Qeveria e presidentit të Venezuelës Nicolas Maduro, ka shënuar dje një fitore madhore në zgjedhjet rajonale, pasi zgjedhjet e vitit 2018 nuk u njohën nga Perëndimi. Kreu i komisionit kombëtar zgjedhor Pedro Calzadilla, tha se partia e Maduros, PSUV fitoi 20 nga 23 guvernatorët e shteteve të Venezuelës. Pjesëmarrja në zgjedhje ishte e ulët në 41.8 perqind, por të paktën ka ndaluar tendencën në rënie pas pjesëmarrjes prej 30.5 përqind në zgjedhjet legjislative të 2020. Kësaj here opozita e mbështetur nga SHBA, Tryeza e Bashkuar Demoratike, fitoi vetëm në shtetet e Cojedes e Zulia. Kjo ishte hera e parë që partitë opozitare merrnin pjesë në zgjedhje prej katër vjetësh, duke hequr dorë nga bojkoti i shpallur për mungesë transparence. Por ata gjithsesi nuk ndaluan dot suksesin e partisë së Maduro, që ka ruajtur mbështetjen e saj në Venezuelë megjithe sanksionet ekonomike te SHBA. “Është një fitore për njerëzit e thjeshtë, për njerëzit fisnik të Venezuelës, që kanë duruar një luftë brutale,” tha lideri ‘Bolivarian’ pas njoftimit të rezultateve.