Më shumë se një milionë tonë ujë radiaktiv nga termocentrali i shkatërruar bërthamor në Fukushima do të hidhen në det në Japoni. Vendimi i qeverisë japoneze ngjalli shqetësim, por ekspertët sqaruan se uji do të trajtohet e do të hollohet, në mënyrë që rrezatimi të bjerë nën nivelet e vendosura për ujin e pijshëm. Lajmin e njoftoi kryeministri Yoshihide Suga. Opinionin publik, industria e peshkimit dhe përfaqësues të bujqsisë, ishin kundër kësaj lëvizjeje, e cila do të realizohet brenda dy vjetësh. Rreth 1.25 milion tonë ujë u ruajtën në rezervuarë në termocentralin bërthamor Fukishima, qëkur tërmeti masiv i vitit 2011 shkaktoi shkrirje të reaktorëve.Që atëherë, operatori Tokyo Electric Power kanë vazhduar të injektojë ujë në tre reaktorë për t'i mbajtur ata të ftohtë. Lëshimi i ujit në det pritet të marrë dekada kohë. Planin sakaq e kanë kundërshtuar edhe Kina e Koreja e Jugut që ngrenë shqetësime për sigurinë, ndërsa Agjencia Ndërkombëtare për Energji Bërthamore dhe departamenti amerikan i shteti e miratuan lëshimin e ujit, duke thënë se një qasje e tillë është e ngjashme me procedurat që ndjekin impiantet bërthamore gjetkë në botë për hedhjen e ujërave.