Vonesat në procesin e rindërtimit dhe akt-ekspertizat e ndryshme që kundërshtojnë njëra-tjetrën mbi nivelin e dëmit të pësuar nga tërmeti vazhdojnë të shqetësojnë shumë banorë të Durrësit. Një ditë më parë Instituti i Ndërtimit ka hapur dritën jeshile për të ndryshuar vendimin për shembjen e këtij pallati 11-katësh në lagjen nr.5 të qytetit bregdetar, duke i kërkuar bashkisë Durrës të vlerësojë sërish me ekspertë pretendimet e banorëve për një ekspertizë sipërfaqësore mbi bazën e së cilës është marrë vendimi për shembje.