Një mbledhje urgjente krize u zhvillua në selinë qendrore të Nato-s me në qendër shqetësimin që ka ngjallur grumbullimi i trupave ruse pranë kufirit më Ukrainën. Sekretari i Përgjithshëm Jens Stoltenberg deklaroi se aleanca do të ndihmojë Ukrainën dhe i dërgoi një paralajmërim Moskës. Kjo është lëvizja më e madhe e trupave që prej pushtimit të Krimesë marsin e vitit 2014. Ne jemi seriozisht të shqetësuar. Lëvizjet e Moskes janë të pajustifikuara dhe të pashpjegueshme. Rusia duhet t'u japë fund menjëherë provokimeve dhe ta çtensionojë urgjentisht situatën. Ishte Ukraina që e kërkoi këtë takim krize për t'u konsultuar lidhur me kërcënim rus në rritje. Nga data 9 dhe 11 prill, misioni vëzhgues i OSB-së në rajonin e Ukrainës, Donjeck konstatoi 367 shkelje të armëpushimit. Në rajonin fqinj Luhans u gjeten 224 shkelje. Një javë më parë OSBE-ja regjistroi gjithsej 26 incidente. Dhuna në lindje të Ukrainës po intensifikohet dhe për këtë Ukraina bën përgjegjëse qeverinë në Moskë. Rusia që prej disa javësh po dislokon gjithnjë e më shumë trupa në rajonet kryengritëse, në kufijtë e pjesës tjetër të Ukrainës në gadishullin e aneksuar të Krimesë në Detin e Zi. Sipas vlerësimeve të aleancën ushtarake perëndimore bëhet fjalë për disa dhjetëra mijëra forca. Kremlini nuk e mohon lëvizjen e trupave, por insiston, që kjo nuk ka të bëjë me përgatitje për ndërhyrje apo për ndonjë luftë.