Edhe pse dara e pandemisë së koronavirusit nuk shtrëngon më mbi kompanitë ajrore, pasojat e saj vazhdojnë të ndihen, këtë herë edhe në formën e problemeve me stafin. Pas mbylljeve fillestare, shumë punonjës u detyruan të linin punën, të jepnin dorëheqjen apo të dilnin me herët në pension. Por edhe pse tashmë të gjithë po kërkojnë një rikthim në përditëshmerinë e përpara Covid 19, përfshirë këtu udhëtimin ajror, ky fenomen ka vazhduar, duke u kthyer në shqetësim për mjaft firma. Amerikania JetBlue është përballur me vonesa e anullime të shumta, të cilat i atribuohen mungesës së stafit. Transport Workers United, që përfaqëson rreth 5000 punonjes të saj, thoshte më herët se mungesave të tilla dhe ngerceve operacionale, kjo kompani i ishte përgjigjur duke rritur masat ndeshkuese, presionin e kritikat ndaj të punësuarve. Për cdo vonesë apo ndryshime fluturimi, merret nga koha e tyre e pushimit, ndërsa në disa raste ishin detyruar edhe ta paguanin nga xhepi qëndrimin në hotel. “Nuk na shohin si njerëz, na shohin si robotë. Ne duam të punojmë, duam që pasagjerët të kthehen, por jo në këto kushtet, duket sikur nuka ka më respekt për punonjësit”, tha një stjuardesë e JetBlue. Probleme të ngjashme janë regjistruar nga Australia e deri në Europë. Në Mbretërinë e Bashkuar, ngërcet vazhdojnë prej javësh. Aeroporti i Gatëick në Londër dhe ai i Schipholit në Amsterdam, që të dy po planifikojnë kufizimin e numrit të pasagjerëve gjatë pikut të pushimeve verore, , ndërsa Lufthansa gjermane ka anulluar me qindra fluturime. Industria e aviacionit, thone mediat e huaja, nuk ka mjaftueshëm njerëz për të kryer sic duhet aktivitetin e saj, e mund të nevojiten deri në 12 muaj përpara se situata të lehtësohet. Pamjet: AFP