Lionel Messi është kthyer në Argjentinë për t’i dhënë lamtumirën e fundit babait dhe menaxherit të tij, Jorge Messi, i cili u nda nga jeta në moshën 68-vjeçare. Futbollisti 39-vjeçar mbërriti të shtunën në Rosario së bashku me bashkëshorten dhe fëmijët. Ceremonia mortore do të zhvillohet sot, në rreth të ngushtë familjar, në qytetin Pérez, pranë Rosarios. Jorge Messi, dikur punëtor në një fabrikë metali, ishte trajneri i parë i Lionel Messit. Në vitin 2000, ai la punën dhe pjesën tjetër të familjes në Argjentinë për t’u zhvendosur në Spanjë me djalin e tij 13-vjeçar. Më pas negocioi kontratën e parë të Lionel Messit me Barcelonën dhe u bë menaxheri e përfaqësuesi i tij në klubin katalanas, Inter Miami dhe Paris Saint-Germain. Inter Miami shprehu mbështetjen për kapitenin dhe familjen e tij, ndërsa para ndeshjes së kundër Monterrey-t u mbajt një minutë heshtje. Në mungesë të Messit, skuadra amerikane humbi ndeshjen e radhes