Shifrat e lindjeve për tre mujorin e parë të vitit nuk janë optimiste pasi kanë shënuar një ulje prej 16.9% ose ndryshe 1050 lindje më pak se tre mujori i parë i 2022-shit. Kjo ka bërë që shtesa natyrore e popullsisë të jetë negative me 393 vdekje më shumë se lindje. Shqipëria po shkon drejt plakjes. Sipas të dhënave nga INSTAT në vendin tonë numri I vdekshmërisë është më I lartë se ai ardhjes në jetë të fëmijëve. Për tre muajt e parë të vitit ky numër ka shkuar në 5164. Kjo është ulja më e madhe e lindjeve që është shënuar në vitet e fundit në vendin tonë.