Ajo që ka ndodhur pasditen e së hënës në zonën Lutsa në lindje të Athinës kosniderohet si ngjarje terrori pa precedent. 6 persona , për të cilët burime policore thonë se janë shtetas shqiptarë , janë ekzekutuar brenda një makine me targa gjermane false. Policia e alarmuar ka mbërritur në vendngjarje e lajmëruar nga banorët e terrorizuar të zonës të cilët dëshmojnë se kanë dëgjuar mbi 150 të shtëna armësh me një interval të shkurtër pushimi në fund. Aty policët kanë gjetur të vdekur tre persona në sediljen e pasme , një në atë të pasagjerit përpara dhe dy të tjerë jashtë makinës së markës ford, të shtrirë në një pellg gjaku, të gjithë të qëlluar nga afër me të paktën 25 plumba. Autorët duket se i kanë sjellë viktimat në një takim në vendin e ngjarjes dhe më pas i kanë zënë në befasi duke i ekzekutuar dhe sipas dëshmive të para janë larguar me një makinë luksoze dhe një motocikletë.