Turqia do të negociojë serish me Rusinë për të mundësuar rikthimin e marrëveshjes së OKB-së për eksportin e drithit ukrainas përmes Detit të Zi, tha Omer Çelik, zëdhënës I partisë në pushtet AK. Ai njoftoi se vetë presidenti turk do të udhëtojë drejt Rusisë por nuk bëri të ditur nëse do të takohet apo jo me homologun e tij, Vladimir Putin. OKB-ja dhe Turqia ndërmjetësuan vitin e kaluar një marrëveshje që zgjati deri muajin e kaluar pasi Moska u tërhoq nga zbatimi I saj duke bllokuar dhjetëra milionë tonë drithë në portet e Odesas. Për të zhbllokuar këtë ngërç Ankaraja zyrtare po përpiqet të të bindë Rusinë që të ribëhet edhe njëherë palë e marrëveshjes. “Pas kësaj vizite mund të ketë zhvillime të reja dhe mund të arrihen faza të reja për sa i përket marrëveshjes së grurit”, tha Omer Celik para gazetarëve. Ndërkohë nga ana tjetër rrjeti i lajmeve financiare Bloomberg citoi dy burime anonime që thanë se Erdogan pritet të takohet me Putin në Rusi javën e ardhshme, ndoshta më 8 shtator, përpara se të udhëtojë drejt takimit të G-20ës që do të mbahet në Indi. Nga ana tjetër edhe vetë Kremlini zyrtar pohoi para pak ditësh se ekziston një mundësi që dy udhëheqësit të takohen së shpejti nga afër. Pamjet: AFP