Administrata Trump i kërkoi Gjykatës së Lartë sot të pezullonte vendimin e një gjyqtari federal që rikthen mijëra punonjës federalë, të cilët u pushuan nga puna si pjesë e përpjekjeve të qeverisë për të zvogëluar fuqinë e saj punëtore. Apeli urgjent është përpjekja e fundit e administratës për të detyruar gjykatën më të lartë të vendit të ndërhyjë në emër të saj pasi gjykatat më të ulëta pengojnë, qoftë edhe përkohësisht, pjesët kryesore të agjendës së mandatit të dytë të presidentit Donald Trump. Në rastin në fjalë, një gjykatës federal në San Francisko lëshoi një urdhër paraprak në fillim të këtij muaji që kërkonte disa agjenci federale ti ofronin “menjëherë” mbi 16,000 punonjësve të pushuar kthimin në punë. “Mjeti juridik jashtëzakonisht i gjerë i gjykatës së qarkut tani po i shkakton dëm të vazhdueshëm, të pariparueshëm Degës së Ekzekutivit që kërkon ndërhyrjen urgjente të kësaj Gjykate”, shkroi avokatja e Përgjithshme në detyrë, Sarah Harris në dokumentet e gjykatës. Harris vazhdoi duke thënë se vendimi i gjykatësit të qarkut të SHBA-së, William Alsup, “ka detyruar qeverinë të nisë ndërmarrjen masive administrative të rivendosjes dhe futjes në statusin e plotë të detyrës së mijëra punonjësve të ndërprerë brenda pak ditësh”. Kërkesa e administratës vjen pasi gjykata federale e apelit me qendër në San Francisko po shqyrton një apel të ngjashëm urgjent nga administrata. Apeli është paraqitur më 14 mars. “Çdo ditë që urdhri mbetet në fuqi është një ditë kur gjashtë agjenci ekzekutive janë në mënyrë efektive nën kontrollin e gjykatës së rrethit”, argumentoi Harris.