Irani nuk do të lejojë më shumë se 15 anije në ditë që të kalojnë përmes Ngushticës së Hormuzit, sipas marrëveshjes së armëpushimit të dakorduar me SHBA-në, raporton “The Guardian” nga agjencia ruse e lajmeve “Tass”. Ngushtica 34 kilometra e gjerë mes Iranit dhe Omanit ofron kalim nga Gjiri Persik në Oqeanin Indian dhe është rruga kryesore për një të pestën e furnizimeve botërore me naftë dhe mallra të tjera. Udhëheqësi suprem i Iranit ka deklaruar se vendi do ta çojë menaxhimin e Ngushticës së Hormuzit në “një fazë të re”, është thënë në një mesazh të transmetuar nga mediat shtetërore. Kjo deklaratë, e para nga Mojtaba Khamenei, që nga shpallja e armëpushimit dyjavor, thekson se Irani mbetet i vendosur “të marrë hak” për vrasjen e të atit në ditën e parë të luftës, si dhe për të gjithë ata që humbën jetën gjatë konfliktit. Ai ka shtuar se Teherani do të kërkojë kompensim të plotë për dëmet e shkaktuara. Ndërkaq, kryeministri i Izraelit, Beniamin Netanjahu deklaroi se është i gatshëm që të negociojë me Libanin për t’u dhënë fund sulmeve në Bejrut.