PSD reagoi ashpër pas arrestimit të Dardan Molliqajt, duke e akuzuar qeverinë Kurti se me prangosjen e kreut të kësaj partie, po kërkon të frikësojë opozitën. Dardan Molliqaj eshte ndaluar per 48 ore..gjithcka e motivuar politikisht Për ndalimin e Molliqajt, reaguan edhe Lidhja Demokratike e Kosovës dhe Aleanca për Ardhmërinë e Kosovës. Kryetari i LDK-së, Lumir Abdixhiku e cilësoi këtë një hakmarrjeje të pastër politike dhe si të tillë e konsideron të papranueshme dhe kundër demokracisë. Kreu i AKK-së, Ramush Haradinaj u shpreh thënë se kauza e protestës ishte e drejtë, ndërsa shtoi se Policia e Kosovës dhe Prokuroria i ka procedurat e parashikuara për këto raste nëse ka shkelje të ligjit. Policia e Kosovës publikoi ftesën që i është bërë për paraqitje vullnetare kreut të PSD-së, Molliqaj, në stacionin policor në Prishtinë, ndërsa në vërtetimin mbi dorëzimin e thirrjes thuhet se ajo është dorëzuar në zyrat e PSD-së dhe se personat e pranishëm kanë refuzuar ta nënshkruajnë mbërritjen e saj.