Si pasojë e krizës që ka nisur prej muajit Mars, në rrugët e kryeqytetit Havana po qarkullojnë gjithnjë e më pak automjete. Kjo pasi pjesa më e madhe e mjeteve qëndrojnë të përkuara rreth pikave të karburanteve. “Ky është ferr!” thotë Lázaro Díaz, një korrier kuban 59-vjeçar, që prej më shumë se 12 orësh u detyrua të pres në radhë me shpresën se do të kishte fat dhe do të arrinte të merrte karburant. Pasojat e kësaj krize kanë qenë të drejtpërdrejta në jetën ekonomike dhe sociale të vendit. Nga njëra anë transporti publik që pothuasje nuk funksionon fare ka bërë që mijëra qytetarë të mos shkojnë dot në punë për shkak të largësisë. Ndërkohë nga ana tjetër, kompania e energjisë elektrike u ka kërkuar abonentëve që t’i nisin regjistrimet e matësave në sahat pasi punonjësit e saj nuk mund të mbërrijnë në destinacion pasi mungon karburanti për mjetet. Dhe pse të mësuar më ketë situatë, kubanezët thonë se kjo krizë është më keqja në historinë e tyre. Ndërkohë vetë autoritetet nuk e kanë një përgjigje për këtë situatë ekonomike tejet të rëndë që ka përfshirë vendin.