Top Channel/ Kryeqyteti i akademikëve. Tirana do mirëpresë kërkues e shkencëtarë nga e gjithë bota

Tirana nuk është vetëm kryeqyteti i rinisë, ajo do të jetë mikpritëse e shkencëtarëve dhe kërkuesve nga e gjithë bota. “Unë sapo jam kthyer nga Trieste e Italisë ku u organizua konferenca TNC’22, që është konferenca më e madhe europiane në fushën e Teknologjisë së Informacionit që bën Rrjeti Paneuropian i Kërkimit dhe Zhvillimit në fushën e Arsimit të Lartë dhe Kërkimit Shkencor për Teknologjinë e Informacionit GEANT. Kam kënaqësinë t’u njoftoj se vitin që vjen Rrjeti Akademik Shqiptar RASH, u përzgjodh të mirëpresë këtë conference në Shqipëri, Tiranë”, tha Dr. Arjan Xhelaj, Rrjeti Akademik Shqiptar.