Greqia përfundoi të shtunën mbikqyrjen fiskale 12-vjeçare nga Bashkimi Evropian që u imponua në këmbim të paketave të shpëtimit pas një krize dërrmuese 13 vite më parë. Në nëntor 2009, Athina zbuloi një rritje të mprehtë të deficitit të saj publik që përfundimisht çoi në një krizë financiare në të gjithë zonën euro dhe shkaktoi kërdi në financat greke për një dekadë. Në këmbim të parave të shpëtimit, një shumë prej 289 miliardë eurosh dhe për të ndaluar Greqinë të dalë nga eurozona, një grup i përbërë nga Fondi Monetar Ndërkombëtar, BE dhe Banka Qendrore Evropiane, kërkoi reforma të gjithanshme nga Athina.