Top Channel/ Koreja e Veriut kërcënon të përdorë armët bërthamore: Asnjë fuqi të mos na provokojë

Lideri i Koresë së Veriut, Kim Jong Un, ka përsëritur paralajmërimin se Phenjani mund të përdorë armët e tij bërthamore për qëllime “parandaluese” për t’iu kundërvënë forcave armiqësore, njoftoi të shtunën media shtetërore verikoreane. Kim u tha zyrtarëve të lartë ushtarakë se “për të ruajtur epërsinë absolute” të forcave të armatosura të Koresë së Veriut, shteti duhet të jetë në gjendje të “parandalojë dhe frenojë të gjitha përpjekjet e rrezikshme dhe lëvizjet kërcënuese... nëse është e nevojshme”, raportoi agjencia e lajmeve KCNA.