Korea e Veriut mbajti sot sesionin e parë të sezonit të ri parlamentar në sallën Mansudae në Penian. Fjalimi i hapjes u mbajt nga kryetari në detyrë Ço Riong Hae, ku u përsëritën objektivat e rritjes së prodhimit dhe kapaciteteve mbrojtëse të vendit. Zhvillimi vjen teksa vendi është zoterues i armëve bërthamore dhe ka kryer disa testime raketore javët e fundit. Agjencia shtetërore e lajmeve KCNA i cilëson raketat si “armë strategjike me rëndësi të madhe”. duke thënë se kanë goditur me sukses objektivat gjatë testeve më 11 dhe 12 shtator. Ushtria amerikane i cilësoi testimet e kryera prej Koresë së Veriut si një “kërcënim” për fqinjët e rajonit. Koreja e Veriut është nën sanksione ndërkombëtare për programin raketor dhe armët atomike. Por Peniani pretendon se i duhen për të mbrojtur veten kundër presionit apo dhe pushtimit të mundshëm amerikan.