Top Channel/ KLSH gjen 811 mln euro shkelje! Ulet me 10 herë dëmi ekonomik që duhet kthyer në buxhet

Në 205 auditime të kryera në institucione shtetërore KLSH ka gjetur 811 milion euro dëme në buxhet. Kontrolli I lartë I shteti gjithashtu bën me dije se gjatë 2022-it u bën katër kallëzime penale për 16 zyrtarë për shkak të abuzimit me fondet publike. Ndërkohë, ajo që vihet re nga vitit i kaluar është fakti se dëmi ekonomik faktik që duhet të rikthehet si vlerë në buxhet është ulur ndjeshëm nga një vit më parë. Kjo shumë rezultoi në vlerën e 159 milionë eurove në 2021-in, ndërsa në 2022-in qëndron në 13 milionë euro. Ndërkohë rritje të ndjeshme kanë dëmet e shkaktuara nga keqmenaxhimi, mosplanifikimi i mirë apo moseficenca e fondeve shtetërore, që njihen sit ë ardhura të munguara në buxhet, KLSH I ka llogaritur në vlerën e plot 798 milionë eurove.