Ka mbërritur në 14 bilanci i vdekjeve të ngjarjes së rëndë që tronditi Italinë një ditë më parë. 5 familje janë prekur nga rrëzimi i teleferikut në qytetin turistik Stresa në brigjet e liqenit Maggiore në rajonin e Piemonte, një ngjarje kjo që po trajtohet tani nga autoritetet si vrasje nga pakujdesia. Së fundi ndërroi jetë dhë fëmija 9 vjecar i shtruar në spital në gjendje kritike për jetën. I vetmi i mbijetuar i tragjedisë deri tani është një fëmijë 5 vjec, por edhe ai është rëndë. Incidenti ndodhi pikërisht në pikën më të lartë të rrugës së teleferikut të nisur nga Lago Maggiore, aty ku kishte mbërritur në 1,491 metra lartësi. Kabina u këput dh era kur kishin mbetur vetëm 100 metra larg ndalesës së fundi të një udhëtimi që zgjat 20 minuta. Presidenti i rajonit të Piemontes, Alberto Cirio nuk i mbajti dot lotë. “Jam baba vetë, dhe e kuptoni cfare mund të përjetohet kur sheh në arkëmort trupin e një nëne me fëmijën e saj..po e prisnim me padurim rihapjen pas pandemisë..tani buzëqeshja na u shua:, u shpreh ai. Kavoja kryesore mbajtëse u këput përpara se të mbërrihej në destinacion, e ndonëse kishte dispozitivë sigurie, kabina ra e për këtë po hetohet. Në mesin e viktimave janë edhe tref shtetas të lindur në Izrael e një i lindur në Iran. Në 2016-tën, Italia investoi 4 milionë e 400 mijë euro për për kontrollin, rregullimin dhe riparimin e teleferikëve.