Udhëheqësi i grupit mercenar Wagner, Yevgeny Prigozhin u varros të martën me një ceremoni private që i dha fund një udhëtimi jetësor të tij nga një pjesëtar bandash në rrugët e Shën Petersburgut, në udhëheqës mercenar, të financuar nga Kremlini. Cermeonia mortore, sipas AFP, u zhvillua në mënyrë private në varrezat Porokhovskoye, në vendlindjen e tij, në Shën Petersburg duke respektuar dëshirën e familjarëve të tij. Detajet rreth varrimit u mbajtën sekret ndërsa presidenti Putin sipas një zëdhënësi të tij nuk mori pjesë. Pirgozhin humbi jetën së bashku me 9 persona të tjerë si pasojë e rrëzimit të avionit me të cvilin po udhëtonin. Ai iu kundërvu para pak kohësh presidentit rus Vladimir Putin. Kryengritje të cilën Putin e quajti një “tradhti” dhe një “thikë pas shpine”. Ndërkohë pas vdekjes së Pirgozhin, Kremlini po përballet me spekulimin se mund të ketë pasur rol në rrëzimin e avionit, por që I ka hedhur poshtë me argumentin se pas ngjarjes qëndron Perëndimi.