Një 26-vjeçar që vuan nga probleme të shëndetin mendor, u arrestua pak më parë, pasi dyshohet se vrau vëllain e tij me thikë. Top Channel ka siguruar videon, ku forcat e policisë dhe banorët e fshatit kërkojnë 26-vjeçarin. Djemtë e fshatit duken teksa “kacavirren” nëpër mure për të parë nëse ndodhet në shtëpinë e braktisur aty pranë. Ndërkohë dëgjohet nëna e djalit. E tronditur nga humbja e djalit të vogël dhe e shqetësuar për shëndetit e djalit të madh, ajo dëgjohet t’i thotë: “Shihe mamin djali im, hajde”. Ndërkohë i kërkon policit që t’i japin ushqim dhe ta çojnë në spital, teksa ai i siguron që “nga policia nuk e prek kush me dorë”. Sipas gazetarit, 26-vjeçari së fundmi konsumonte lëndë narkotike, ndërsa më parë ka qenë i dënuar për dhunë në familje, por, pasi mbaroi dënimin u kthye sërish në shtëpi, pa u kuruar për problemet e shëndetit mendor.