Një fenomen i mrekullueshëm astronomik ndodhi mbrëmjen e të dielës, në të gjithë botës, përfshirë edhe Tiranën. Hëna e përgjakshme dhe Eklipsi Hënor u shfaqën nga ora 20:00 deri në orën 23:00, duke ofruar një pamje spektakolare. Hëna e përgjakshme është një fenomen i veçantë që ndodh gjatë një eklipsi hënor, kur Hëna kalon përmes hijes së plotë të Tokës dhe ndriçohet me një ngjyrë të kuqe të thellë. Ky efekt shkaktohet nga ndriçimi i atmosferës së Tokës dhe bën që Hëna të duket si një “top i kuq” në qiellin e natës. Pamja e saj ishte magjike, duke dhuruar një moment i paharrueshëm për të gjithë ata që kishin mundësinë ta shihnin. Ky eklips hënor ishte i dukshëm edhe nga Tirana dhe pjesa më e madhe e Europës, duke krijuar një pamje të shkëlqyer të natyrës që ndodh shumë rrallë. Eklipsi hënor mund të shihet me sy të lirë, dhe nuk ka nevojë për pajisje speciale. Për një pamje sa më të qartë, mund të zgjidhet një vend i hapur dhe larg dritave të qytetit. Hëna e Kuqe magjike ndriçoi natën e të dielës për tre orë me radhë, jo vetëm mbi qiellin shqiptar, por edhe në Evropë e mbarë botën.