Dubai's Expo-2020 është hapur sot për vizitorët, me të cilin Emiratet e Bashkuara Arabe shpresojnë të mirëpresin rreth 25 milionë vizitorë. Eventi konsiderohet panairi i parë universal i mbajtur në Lindjen e Mesme dhe eventi më i madh global që prej pandemisë së Covid-19. Mes pavjoneve të shkëlqyeshme të ndërtuara në shkretëtirë prezantohen rreth 190 vende me produktet e shërbimet e tyre. Sheiku i Dubait Mohammed bin Rashid tha në prezantim se ekzibicioni shfaq gjenalitetin dhe inovacionin teknologjik të vendeve pjesëmarrëse. Panairi i parë i tillë botëror ishte mbajtur në Londër 1851, i ndjekur më pas nga ai i Parisit në 1889 i mbajtur rreth kullës Eiffel. Autoritetet thane se Expo 2020 do të jetë i lidhur detyrimisht me pandeminë, me masa distancimi, maska fytyre dhe pasaporta vaksinimi të kërkuara.