Komisioni Evropian ka miratuar një plan pesëvjeçar për mbrojtjen, i cili përfshin ndërtimin e një “muri të dronëve” që pritet të jetë plotësisht funksional deri në fund të vitit 2027. Sipas organit ekzekutiv të BE, Rusia dhe Bjellorusia përbëjnë “kërcënimin më të madh”, duke përmendur shkeljet e përsëritura të hapësirës ajrore të vendeve anëtare të BE-së nga avionet pa pilot, apo dronët. Hyrja e 21 dronëve rusë në Poloni në fillim të shtatorit, fluturimet e dronëve rusë mbi Rumani dhe shkelja e hapësirës ajrore të Estonisë nga avionë luftarakë rusë, çoi në nisjen e iniciativës “Roja Lindore” nga NATO-ja për forcimin e mbrojtjes ajrore. Liderët e Perëndimit e I kanë konsideruar incidentet si të rrezikshme, dhe si një këmbanë alarmi për Evropën. Dokumenti I Komisionit Europian nënvizon gjithashtu rolin qendror të NATO-s në mbrojtjen e Evropës, por thekson edhe nevojën që kontinenti të zhvillojë kapacitete të pavarura në vitet e ardhshme. “Deri në vitin 2030, Evropa duhet të ketë një pozicion mbrojtës mjaftueshëm të fortë për t’i frenuar kundërshtarët e saj”, thuhet në plan. “Për të qenë ‘gati për 2030-ten’, Evropa duhet të veprojë tani”. Më herët, kryediplomatja e BE-së, Kaja Kallas, është shprehur se Rusia do të mbetet kërcënim edhe nëse lufta në Ukrainë përfundon.