Dy avionë F-35 të NATO-s u ngritën në fluturim për të ndjekur një avion spiun rus pranë Norvegjisë në provokimin më të fundit të Moskës. Avionët, pjesë e misionit të reagimit të shpejtë të NATO-s, identifikuan një Iliushin 20 COOT-A që fluturonte në hapësirën ajrore ndërkombëtare mbi Finnmark. Komanda Ajrore e NATO-s konfirmoi ndjekjen në një postim në X të enjten, duke ndarë edhe një imazh të avionit rus. Ky i fundit mban pajisje të vecanta elektronike zbulimi dhe komunikimi dhe është i aftë të realizojë foto dhe harta. Moska nuk ka bërë komente për incidentin, por në të kaluarën, Kremlini ka hedhur poshtë akuzat e NATO-s dhe ka pretenduar se avionët e tij veprojnë ligjërisht në qiellin ndërkombëtar. Sipas qeverisë së Norvegjisë, Rusia ka shkelur hapësirën e saj ajrore në tre raste të tjera vetëm këtë vit. Iliushin-20 është përdorur edhe në raste të tjera. Vetëm muajin e kaluar, avionë luftarakë gjermanë dhe suedezë u ngritën në fluturim pasi zbuluan një avionin të këtij lloji mbi Detin Baltik. Ai kishte fluturuar pa një itinerar fluturimi ose kontakt radio që ta bënte të dallueshëm.