Një seri prej katër shpërthimesh të fuqishme të energjisë diellore po vjen me shpejtësi drejt Tokës, duke ngritur alarme për ndërprerje të mundshme në teknologji dhe komunikime. Administrata Kombëtare Oqeanike dhe Atmosferike në SHBA ka lëshuar një paralajmërim për stuhi gjeomagnetike të moderuar për të enjten, duke paralajmëruar se rrjetet e energjisë, sinjalet radio dhe sistemet e navigimit GPS mund të preken. Stuhitë gjeomagnetike ndodhin kur Dielli lëshon re grimcash të ngarkuara, të njohura si nxjerrje masive koronale, që përplasen me fushën magnetike të Tokës, duke e bërë atë të valëzohet dhe lëkundet. Këto shpërthime masive janë nisur nga dielli mes 11 dhe 13 tetorit. Dhe shkencëtarët amerikanë kanë përllogaritur se ato do të mbërrijnë në tokë në orët në vijim dhe pasojat do të ndjehen edhe të premten. Ata thonë se stuhitë diellore mund të shkaktojnë vetëm ‘një shqetësim të lehtë’ por edhe paralajmërojnë se të kombinuara së bashku, të katër stuhitë, mund të amplifikojnë efektet.