Top Channel/Hap pas hapi, si u grabit banka në Koplik nga tre autorët e kamufluar me maska Halloween

Top Channel ka siguruar videon ekskluzive të grabitjes së filialit të një banke në Koplik të ndodhur më 9 maj. Ky është moment kur tre persona të veshur me të zeza me maskë Halloween-i në fytyrë dhe të armatosur me kallashnikovë grabitën bankën. Bazuar nga kamerat e sigurisë, si fillim ata përballen me rojën e bankës, duke e shtrirë përtokë dhe mbajtur peng në ambientet e bankës. Më pas njëri prej tyre me armë kërcënon të pranishmit dhe mban të shtrirë përtokë rojën, kurse dy të tjerët shkojnë të marrin paratë me një çantë të zezë. Të pranishmit janë të shtrirë përtokë, të terrorizuar nga ngjarja. Pasi marrin paratë ata largohen me një makinë të zezë tip “Golf”.