31-vjeçari që goditi me grusht ish-kryeministrin Sali Berisha gjatë protestës së 6 dhjetorit 2022 diagnostifikohet zyrtarisht me probleme të shëndetit mendor. Ekspertët e mjekësisë ligjore kanë përfunduar aktin e ekspertimit për Gerti Shehun dhe kanë arritur në këtë konkluzion Pas ekspertizës ligjore, mësohet se prokuroria kërkon nga Gjykata që pas masës së sigurisë ‘arrest me burg’, i riu të dërgohet në një spital psikiatrik për trajtim të mëtejshëm. Gjithashtu, policia njoftoi se Shehu ka precedentë të mëparshëm kriminale, për plagosje, prishje të qetësisë publike dhe në fushën e narkotikëve Nga ana tjetër Prokuroria e Tiranës në drejtimin e Dritan Nushi ka nisur hetimet për goditje për shkak të detyrës. Në pyetje janë marrë të gjithë personat që kanë parë ngjarjen si dhe familjarët e 31 vjeçarit.