Ministri izraelit i mbrojtjes deklaroi se i gjithë Qyteti i Gazës do të rrafshohet nëse Hamasi nuk pranon të çarmatoset dhe të lirojë të gjithë pengjet. Kërcënimi i Israel Katz erdhi pasi kabineti izraelit i dha dritën jeshile planit për një sulm masiv ndaj Qytetit të Gazës, pavarësisht kundërshtimit të gjerë ndërkombëtar. Të hënën, Hamasi ra dakord për një propozim të paraqitur nga ndërmjetësit e Katarit dhe Egjiptit lidhur me një armëpushim 60-ditor, i cili sipas Katarit do të sillte lirimin e gjysmës së pengjeve të mbetur në Gaza. Por këtë, kryeministri izraelit Benjamin Netanyahu nuk e pranoi. Netanyahu e bëri të qartë se udhëzimi i tij ishte që negociatat të fillonin për lirimin e të gjithë pengjeve të mbetura dhe fundin e luftës në Gaza me kushte "të cilat të jenë të pranueshme për shtetin hebre. Izraeli beson se vetëm 20 nga 50 pengjet janë ende gjallë pas 22 muajsh lufte. Mediaat atje citojnë një zyrtar izraelit të ketë thënë pohuar se negociatorët do të dërgohen për bisedime të reja sapo të përcaktohet një vendndodhje. Në një deklaratë video gjatë një vizite në selinë e divizionit të IDF-së për Gazën, Netanyahu deklaroi se “ishte aty për të miratuar planet e Forcave Mbrojtëse të Izraelit për të marrë kontrollin e Qytetit të Gazës dhe për të mposhtur Hamasin". Kazt paralajmëroi gjatë një takimi me rabinët nga Partia e ekstremit të djathtë të Sionizmit Fetar. Në mesin e korrikut, ministri kishte shpërndarë një video ku shihej Beit Hanouni i rrënuar krejtësisht nga bombardimet izraelite. Në qershor të vitit 2024, autoritetet lokale palestineze e shpallën këtë qytet “zonë katastrofe” për shkak të shkatërrimit masiv të shkaktuar nga sulmet izraelite në atë rajon.