Disa futbollistë brazilianë që luajnë me skuadrën ukrainase të futbollit Shakhtar Donetsk u kthyen sot në Brazil bashkë me familjarët e tyre Brazil pas luftimeve atje. "Është diçka që të mbetet në mendje," tha mesfushori Pedrinho pas uljes në aeroportin e Sao Paulo. “Nuk e di nëse do të kthehem apo jo”, shtoi gjithashtu bashkëshortja e mesfushorit brazilian Maycon. Skuadra e Shakhtar Donetsk ka 13 futbollistë brazilianë dhe ka qenë pjesëmarrëse e rregullt në kompeticionet evropiane të futbollit. Madje një prej tyre, Junior Moraes, është kthyer në qytetar ukrainas. Në një video të postuar dje futbollistët shiheshin në sallën e hotelit teksa prisnin lajme për evakuimin, mes tyre dhe David Neres, që vetëm sivjet erdhi nga Ajax i Holandës, si dhe Vitinho që luan me Dynamo Kiev. Me to shiheshin disa prej bashkeshorteve dhe fëmijët, që shihnin nga kamera të ulur në divanin e gjerë. "Ndjehemi pak të braktisur, nuk dimë çfarë të bëjmë. Dolën nga shtëpitë me pak rroba dhe nuk kemi as shumë ushqim”, thotë një prej tyre në video.