Forca izraelite të sigurisë rrethuan në zonën e aneksuar të Jeruzalemit Lindor shtëpinë e një palestinezi pjesë e grupit Hamas. Abu Shkaidam kishte qëlluar për vdekje një guidë turistike izraelite para se të vritej nga forcat e sigurisë vitin e kaluar. Më shumë se 150 ushtarë e policë izraelitë shkuan të martën për të shkatërruar shtëpinë e anëtarit të vdekur të Hamasit në Rripin e Gazës. Policia tha se rezidentët qëlluan me gurë oficerët, të cilët u kundërpërgjigjën. Pamjet e regjistruara nga vendasit tregonin ushtarët me veshje të rënda që shponin vrima në muret e një ndërtese disa katëshe. Policia tha ëse apartamenti ishte pjesë e një ndërtese disa katëshe banimi, dhe se shkatërrimi i shtëpisë do të bëhej vetëm nga brenda. Më pas ushtarët mbyllën shtëpinë dhe shkruan 'Mos hy' në derën e saj në arabisht. Shkaidam vrau një izraelit në Qytetin e Vjetër të Jerusalem dhe plagosi dy civilë, para se të vritej nga forcat e sigurisë në nëntor 2021. Ndërkohë në një raport të grupit të të drejtave të njeriut Amnesty International, deklarohej se ligjet e Izraelit, politikat dhe praktikat e përdorura kundër palestinezëve, janë regjim aparteidi.