Një godinë banimi është përfshirë nga flakët në orët e para të mëngjesit të sotëm, në lagjen ‘Minatori’ të Bulqizës. Mësohet se në objektin e djegur banonin katër familje, ndërsa burime për Top Channel bëjnë të ditur se fatmirësisht nuk ka të lënduar. Flakët kanë shkrumbuar gjithçka, ndërsa nuk dihet se sa persona ishin brenda në momentin që ka rënë zjarri. Policia ka nisur hetimet për rastin në fjalë, por ende nuk ka një pistë të shkaqeve të rënies së zjarrit.