Festivali i përvitshëm Evropian i Ballonëve ka hyrë sot në ritëm të plotë në krahinën spanjolle të Katalonjës. Normalisht ky është eventi më i madh i ballonëve me ajër të nxehtë në Spanjë, por këtë vit prej masave anti-Covid është organizuar me numër më të reduktuar pjesmarrësish dhe në një format më të shkurtër. Festivali zgjat normalisht katër ditë (nga e enjtja deri të dielën) dhe tërheq mijëra spektatorë. Në të përfshihen gara me ballonë, panaire dhe ekzibicione fishekzjarrësh. Fluturimet kryhen në mëngjes dhe pasditen e vonë, sipas kushteve më të përshtatshme të motit. Spektatorëve u jepet gjithashtu mundësia e fluturimit me ballonë. Festivali organizohet nga bashkia e qytetit të Igualada me bashkëpunimin e grupit Ultramagic, që është kompania prodhuese e dytë më e madhe në botë i ballonëve me ajër të nxehtë.