Pa mbushur ende viti nga vdekja e Arben Micit brenda ambjenteve të policisë , prokuroria e Tiranës ngriti akuzë për dy oficerë të cilët në mbyllje të hetimeve u dorëzuan si të pandehur për shpërdorim detyre. Sipas prokurorisë , policët Fatmir Isufi dhe Hajredin Boja mbetur i dëmtuar nga zjarri që përfshiu dhomat ku mbaheshin të shoqëruar të arrestuarit , shkelën rregulloren kur i lejuan 26 vjecarit sende të ndaluara në një dhomë paraburgimi, me të cilat më pas viktima pasi ndezi cigaren u vuri flakën dyshekëve. Kjo akuzë ndaj policëve mbështetet nga cakmaku që ju gjet në xhep të ndjerit, i arrestuar për dhunë në familje dhe që në krye të pak orëve nga arrestimi doli i pajetë nga komisariari numër 5 . Në dosje prokuroria nuk mban asnjë qëndrim lehtësues ndaj policëve të dyshuar pavarësisht se sipas dëshmitarëve të dy ata hynë mes flakëve për të nxjerrë të dyshuarit e madje njëri prej tyre u plagos