Një aksident ka ndodhur mesditën e sotme në aksin nacional Korçë-Pogradec, në afërsi të fshatit Vashtemi Mësohet se janë përplasur një mjet tip Benz me një mjet bujqësor (zetor). Si pasojë e këtij aksidenti ka mbetur i plagosur drejtuesi i mjetit bujqësor, i cili është transportuar drejt spitalit rajonal të Korçës. Aktualisht gjendja e tij ende nuk bëhet e ditur, ndërkohë policia ndodhet në vendngjarje për të zbardhur shkaqet e këtij aksidenti. Aksidenti i regjistruar pak minuta më parë në këtë aks ka rënduar edhe trafikun. Informacion paraprak Më datë 10.05.2021, rreth orës 12:20, pranë fshatit Vashtëmi, Maliq, janë përfshirë në një aksident rrugor mjeti tip “Benz”, me drejtues shtetasin A. M., dhe mjeti bujqësor tip traktor me drejtues shtetasin I. K., rreth 50 vjeç, i cili për pasojë ka marrë dëmtime dhe u dërgua për mjekim në Spitalin e Korçës. Me drejtuesin e mjetit tip “Benz”, po kryhen veprimet e mëtejshme procedurale. Grupi hetimor po punon për zbardhjen e rrethanave të aksidentit.