Në rregjistrin e njoftimit të veprave penale informohet se nuk rezulton që të jetë rregjistruar ndonjë kallzim penal me kallzues Gazmend Bardhi dhe të kallzuar Ols Rama U deshën 15 ditë që të zbulohej se cfarë thuhet publikisht mbetet vetëm për publikun dhe jo për prokurorinë. SPAK zbuloi se deputeti Gazmend Bardhi nuk e kishte kallzuar Ols Ramën , vëllain e kryeministrit që e akuzoi se kishte udhëtuar me anëtarë të grupit të Xibrakës. Në vendimin e mosfillimit të hetimeve të vëna në lëvizje nga një denoncim I Ols Ramës që kërkoi hetime ndaj Gazmend Bardhit për akuzën e “ kallzimit të rremë”, prokurori Elvin Gokaj nuk I dha të drejtë vëllait të kryeministrit që është kundër kryetarit të grupit parlamentar të PD. SPAK thotë se nuk provohet që Gazmend Bardhi të ketë kryer kallzim të rremë, përsa kohë ai ndryshe ka thënë dhe ndryshe ka vepruar. Ky konkluzion bazohet në mungesën e një shkrese të natyrës kallzim që në rast se do të ishte depozituar nga deputeti, do të ishte mbajtur shënim në zyrën e rregjistrit të statistikës në SPAK. Prokurori cmon më tej gjatë verifikimeve se në mungesën e një burimi prove të tillë cështja mosfillohet. Sidoqoftë në vendimin e tij Gokaj kujton se kundër këtij vendimi Ols Rama mund të ankohet pranë GJykatës antikorrupsion, brenda dhjetë ditëve nga marrja dijeni. Edhe në rast se Ols Rama ankohet në gjykatë dhe këmbëngul që të hapen hetimet për kallzim të rremë ndaj Bardhit, kjo mbetet e paprovuar përderisa Spakut ju dorëzua prej tij vetëm letër informuese dhe jo kallzim pemnal sic ai pretendoi