Një ngjarje e rëndë është regjistruar këtë të mërkurë në Gjirokastër, ku një 15-vjeçar ka humbur jetën në pishinën private “Glow” në fshatin Mashkullorë. Viktima është identifikuar si Arbër Peçi. Sipas informacioneve paraprake, i mituri fillimisht kishte konsumuar kafe dhe më pas ishte futur për t’u larë në pishinë, ku dyshohet se ka pësuar arrest kardiak. Pavarësisht ndërhyrjes së menjëhershme, 15-vjeçari nuk ka mundur të mbijetojë.Po ashtu burime thone se i riu nuk vuante nga probleme shendetesore. Burime paraprake bëjnë me dije se në momentin e ngjarjes në pishinë nuk kishte roje sigurie për pushuesit që frekuentonin ambientin. Pishina “Glow” rezulton të jetë në pronësi të Ermal Kokos, bashkëshortit të nënkryetares së bashkisë. Ndërkohë, policia ka shoqëruar tre persona për t’i marrë në pyetje lidhur me rrethanat e plota të ngjarjes, ndërsa vijojnë hetimet për zbardhjen e saj. Mësohet se i riu kishte shkuar në pishinë i pashoqëruar nga familjarët e tij, ndërsa prindërit kanë mbërritur në vendngjarje pas njoftimit për ngjarjen tragjike.