Spanja dërgoi ushtrinë në enklavën e Ceutës, ku brenda dy ditëve nga Maroku kanë mbërritur të paktën 8 mijë emigrant, një numër rekord ky që ka shqetësuar autoritetet vendase. Një pjesë e klandestinëve, 1.500 nga të cilët të mitur, u afruan me not. Zyrtarët vendase njoftuan se rreth 2,700 vetë i kanë kthyer pas, por të miturit jo. Qytetet e Ceuta dhe Melillas në Spanjë janë kthyer së fundi ne dëstinacione kryesore për emigrantët afrikanë. Trupat spanjolle u vendosën në plazhe, për të ndihmuar policinë kufitare në pikën kryesore të hyrjes në Ceutë - Tarajal. Nga ana tjetër, forcat marokene të sigurisë në Fnideq - qytetin ngjitur – lëshuan gaz lotsjellës në përpjekje për të shpërndarë një turmë të madhe emigrantësh pranë gardhit kufitar. Situata e krijuar e detyroi kryeministrin spanjoll, Pedro Sanchez, të anullonte udhëtimin në Paris ku do të merrte pjesë në samitin e drejktuar nga Franca pikërisht për ndihmën financiare për Afrikën. Sanchez sqaroi se do të përqendrohet në krizën e Ceutës dhe u zotua se do ta rivendosë normalitetin në qytet.Forca kufitare e Bashkimit Evropian, Frontex, raporton e emigracioni i paligjshëm në Ishujt Kanarie të Spanjës - në brigjet e Marokut - është rritur ndjeshëm këtë vit.