Kristian dhe Drilona Boçi, të cilët po hetohen për pastrim parash, njihen për jetën e luksit që kanë bërë prej vitesh dhe që nuk asnjëherë nuk janë kursyer për ta ekspozuar në rrjetet sociale. Çifti u bë i njohur në gjashtë vite më parë, kur organizuan një dasmë të dytë luksoze, në 10-vjetorin e martesës, me te ftuar të afërm dhe personazhe VIP. 115 të ftuarit u befasuan nga luksi në eventin e organizuar në një ambient luksoz të kryeqytetit. 30 mijë lule natyrale veshën gjithë ambientin nga tavani në dysheme dhe sikurse u raportua nga mediat rozë, kishin një kosto prej gati 250 milionë lekësh të vjetra. Ftesa ishte një vepër arti më vete. Drilona ishte frymëzuar nga një dasmë libaneze, për formën e këpucës së Hirushes. Ajo mbante një lule lavander dhe madje ishte e parfumosur. Vetë nusja, kishte zgjedhur një fustan bojëqielli “Dolce & Gabbana”, kombinuar me këpucë qelqi, si personazhi i Hirushes. Deri në detaje ishte kujdesur për paraqitjen edhe dhëndri, Kristian, një boksier, i njohur si bamirës dhe që njihej dhe me dy emra të tjerë, Agustin Boçi apo Kristian Botsis. Por, çifti që reklamonte jetën perfektë në rrjetet sociale, tashmë është në telashe, pasi Prokuroria e Tiranës sekuestroi pasuri me vlerë 50 milionë euro të Krisjan Boçit, dhe 6 personave të tjerë, pasi dyshohet se ishin përfshirë në skemën e pastrimit të parave në Shqipëri, ku rol kishin edhe bashkëshortet e tyre.