Është një nga njerëzit më të pasur në botë, dhe më i pasuri i Kinës. Një manjat biznesi, investitor dhe filantropist. Jack Ma, është ai që ka themeluar gjigandin AliBaba dhe e ka drejtuar për shumë kohë atë. Bëhet fjalë për një konglomerat shumëkombësh, teknologjik. Dhe ai, në kinën që udhëhiqet nga partia komuniste, është një përbërës i fuqishëm i një ekonomie të udhëhequr nga tregu dhe të hapur. Në 2017-ën, Jack Ma klasifikohej i dyti në listën e përvitshme të 50 liderëve më të mëdhenj të botës, nga revista Fortune. Ai është konsideruar gjerësisht si një ambasador global jo zyrtar i biznesit kinez dhe është një figurë me ndikim për komunitetin e bizneseve të reja. Në shtator 2018, ai njoftoi se do të tërhiqej nga Ali baba dhe do të vijonte punën e tij edukative, filantropinë dhe kaucat ambjentaliste. Një vit më pas, Daniel Zhang, e zëvendësoi atë si president i Ali Baba.