Në redaksinë e Fiks Fare ka ardhur një tjetër skemë që përdornin institucionet që mblidhnin kreditë e këqija, ku disa drejtues, pronarë, përmbarues e punonjës janë akuzuar për skemën e zhvatjes. Kësaj herë pre ka rënë një emigrante, e cila ka ardhur për të ndihmuar të vëllanë, por e ka parë veten si kreditore kur “s’kam marrë asnjë qindarkë kredi në Shqipëri”. Por, jo vetëm që “mori kredi”, por edhe shtëpinë e sekuestruar kësaj familje, kjo emigrante u “detyrua” që të paguante qira mujore ... Denoncuesja ka paguar çdo muaj kredi dhe qira. Por, s’e ka gëzuar kurrë atë shtëpi të lënë trashëgimi nga familja. Madje, pas presioneve të punonjësve të MCA-së, është detyruar të shesë edhe shtëpinë. Ky rast është një skemë tjetër e përdorur nga MICRO CREDIT, ku megjithëse kësaj familje i ka marrë shtëpinë e lënë kolateral, e ka detyruar që t’a marrin me qira dhe t’i bëjnë letrat për një kredi të re, pa i dhënë asnjë qindarkë.