“Agjencia Ndërkombëtare e Vlerësimi Standard & Poor’s ka mbajtur të pandryshuar vlerësimin për Shqipërinë në B+ në perspektivë të qëndrueshme në rishikimi e saj të fundit. Standard & Poor’s pret që ekonomia shqiptare të rritet me 4.5% gjatë vitit 2021.” Ky projektim i agjencisë prestigjioze bazohet në një skenar optimist që nuk do të përfshinte një valë tjetër infektimesh që mund të sillte një tjetër bllokim të ekonomisë. Rimëkëmbja e ekonomisë edhe pse e ngadaltë vlerëson raporti do të varet nga mbarëvajtja e vaksinës, politikat fiskale dhe kufizimet sa më të lehta që ndërmerren në kuadër të parandalimit të Covid-19. Prioriteti i qeverisë theksohet në raport duhet të jetë stimulimi i ekonomisë pas dy goditjeve që mori pas tërmetit të nëntorit dhe më pas pandemisë, që shkaktoi një recesion prej 5% sipas Agjencisë Standard and Poor’s. Goditjen më të madhe e mori sektori I turizmit, e kjo rënie e thellë thuhet në raport ka ardhur kryesisht për shkak edhe të varësisë së lartë nga industria turistike e cila kaloi thuajse në kolaps vitin që lamë pas, e vazhdon të jetë në pikëpyetje edhe ecuria e vitit aktual. Shqetësues vlerëson kjo e fundit edhe nivelin e lartë të borxhit publik, i cili u zgjerua ndjeshëm së fundmi për shkak edhe të rritjes së shpenzimeve për përballimin e pasojave të pandemisë. Agjencia prêt që ky tregues të zbresë në 77% të Prodhimit të Brendshëm Bruto gjatë këtij viti, për të ndjekur më pas në vitet në vazhdim një trend në rënie.