Emisioni Fiks Fare risolli mbrëmjen e sotme problemin e përjashtimit të 3 maturantëve në gjimnazin “Oso Kuka” në Shkodër për një faqe memesh në instagram. Nxënësit u përjashtuan si autorë të faqes pa asnjë fakt konkret. Gazetarët e Fiksit kërkuan një përgjigje në shkollë në ditën që prindërit u ankuan, por drejtoresha e shkollës vendosi të iki pa përgjigje. Pas transmetimit të rastit dhe bërjes publike të audio regjistrimeve ku drejtoresha quan kriminele, llafazanë, rrenacakë fëmijët pa asnjë fakt, atëherë ajo ka dalë në një deklaratë. Sipas saj ajo që ka transmetuar emisioni investigativ është e nxjerrë jashtë kontekstit. Por në faktet që ajo publikoi asnjë meme nuk kishte lidhje me të, familjen e saj apo me rryfshtetin e parave. Madje ajo shkel ligjin duke bërë publik emrat e 3 maturantëve të përjashtuar, duke i lënë jashtë dyerve të shkollës dhe duke ju hequr të drejtën për universitet.