Një natë më parë emisioni Fiks Fare solli rastin e një punonjësi policie i cili me shantazhin se do t'i publikonte fotot nudo i kishte marrë një zonje 3 milion lekë. Edhe pse ishin dhënë paratë polici vazhdonte dhe me miqtë e tij diskutonte për foto, video dhe shantazhin. Njërin prej tyre Fiksi e solli me zë dhe figurë, z.Qemal Demiri që për denoncuesen ishte profesor. Në këtë histori u përfshi akoma më shumë profesor Qemali, kur bashkë me policin shkruan një deklaratë në lokal në emër të denoncueses, ku hidhej poshtë gjithë situata, por që në të vërtet ishte një mashtrim i thurur nga polici në prani të profesorit ndërmjetës. Kjo deklaratë u shkruan pasi polici u kontaktua nga gazetarët e Fiksit. Qemal Demiri kërkoi të sqaronte rolin e tij në histori edhe pse ditën që në lokal shkruhej nga polici deklarata në emër të së shantazhuerës , nuk pranoi t'i takonte gazetarët. Por vetëm një ditë pas transmetimit ai u pohoi gazetarëve të Fiksit se deklarata u bë që shantazhueses t'i ktheheshin lekët dhe të mbyllej si histori. Deklaratë që sipas tij e mori e futi në xhep dhe më pas e ka hedhur, por pa e lexuar.