A janë të rrezikshme të gjitha nishanet? Kur duhet të shqetësohemi për një nishan që ndryshon ngjyrë, formë apo madhësi? Në këtë episod të Grida Duma Podcast, dermatologia Dr. Elda Semanjaku shpjegon se cilat janë shenjat që nuk duhen neglizhuar, pse dermatoskopia duhet të kryhet të paktën një herë në vit dhe si një kontroll i thjeshtë mund të shpëtojë jetë. Grida Duma sjell në skenë një projekt të ri mediatik, një podcast që shkon përtej lajmeve të ditës dhe debatit klasik politik. Ky podcast është një hapësirë për biseda të thella, personale dhe të sinqerta, ku personazhe të njohur ndajnë me publikun historitë që nuk i kanë treguar kurrë më parë. Qëllimi i këtij podcasti është të sjellë përpara publikut anën njerëzore të figurave të njohura, përmes rrëfimeve autentike mbi jetën e tyre, eksperiencat profesionale, sfidat, dështimet dhe momentet që i kanë formuar si individë.