Fiks Fare denoncoi mbrëmjen e së mërkurës se një kandidat për deputet i Aleancës për Shqipërinë Madhështorë ka pasur një kartelë në Spitalin Psikiatrik në Shkodër. Fiks Fare denoncoi mbrëmjen e së mërkurës se një kandidat për deputet i Aleancës për Shqipërinë Madhështorë ka pasur një kartelë në Spitalin Psikiatrik në Shkodër. Sipas dokumenteve, z. Ndoj ka pasur disa çrregullime deluzionale, të cilat futen te problemet që ka Spitali Psikiatrik. Në kartelën që ka siguruar emisioni “Fiks Fare” rezulton se “Gentian Ndoj, i vitlindjes 1985 ka pasur probleme neuropsikiatrike, duke filluar nga viti 2004 dhe në vijim”. Fiksi siguroi një dokument të vitit 2005, i emërtuar “fletë drejtimi për kemp”. Gentiani ka dalë para komisionit mjekësor, ku ky komision konstatoi se “vuan prej çrregullimeve deluzionale”. Në të njëjtin vit, 2005, është edhe një dokument tjetër “fletë dalje” nga Spitali Psikiatrik në Shkodër, ku kartela ka numrin 975. Aty është e shënuar edhe diagnoza, sërish “çrregullime deluzionale”. Në dosje është edhe një “fletë dalje”, sërish nga Spitali Neuro Psikatrik në Shkodër, ku rezulton se z. Gentian Ndoj ka qenë shtruar nga data 10 maj 2004 deri më datë 17 maj 2004. Diagnoza është e njëjtë; Çrregullime delizionale.