Nivica, fshat i Kurveleshit, është e njohur për kanionet e saja, të cilat vizitohen nga mijëra turistë në vit. Si pjesë e projektit të 100 fshatrave ku do të rivitalizoheshin nga qeveria shqiptare u bë një investim 500 milion lekë. Me këto lekë u ndërtuan tre godina si njësi shërbimi në vitin 2017, por që nuk u vunë asnjëherë në funksion. Sot e kësaj dite ato janë të shkatërruara nga kushtet atmosferike duke kërkuar të tjera fonde për t'i riparuar. Fiksi iu drejtua edhe Agjencisë Kombëtare të Bregdetit e cila në përgjigjen e saj zyrtare pohon se investimi me vlerë 47.071.276 Lekë është bërë për rijetëzimin e qëndrës së fshatit Nivicë dhe rikonstruksioni i shkollës së vjetër në Nivicë i realizuar gjate periudhës 2016-2017. Agjencia Kombëtare e Bregdetit ka financuar vetëm fazën e parë të investimeve në ketë zonë, ndërsa zhvillimi i metejshëm i projektit do të vlerësohet nga Bashkia Tepelene. Por kësaj të fundit i është dorëzuar projekti vetëm disa muaj më parë. AKB në përgjigje të saj thotë se ne momentin e dorëzimit është marrë parasysh edhe amortizimi. Por në asnjë rrjesht AKB nuk shpjegon se pse u deshën kaq vite për t'ia kaluar Bashkisë Tepelenë. Ajo që kuptohet është se përsëri me taksat e shqiptarëve do të paguhet për riparimin e ndërtesave dhe kjo për burokracitë e institucione shtetërore.