Task Forca i heq paketen higjeno sanitare invalidit prej 30 vjetesh vetëm me një vizitë mjekësore me ëhatsap, i vetmuar, i braktisur, i shërben vetes , kujdestarja ligjore i shkon një herë në disa ditë dhe i çon vetëm disa ushqime. Ded Stojani nga Laçi prej 30 vitesh është invalid. 3 vitet e fundit sëmundja i ka marrë të dyja këmbët dhe ai nuk mund të ecë. Deda jeton i vetëm nuk ka asnjë ndihmë, lan, gatuan dhe i shërben vetë vetes. Për të lëvizur ka një motorr elektrik. Deda ju drejtua Fiksit pasi atij i kanë prerë paketën higjeno- sanitare. Nga 43 mijë lekë në muaj ja kanë përgjysmuar. Deda tregon për Fiksin që në dhjetor të vitit të kaluar e kanë telefonuar për të bërë vlerësimin e gjendjes së tij shëndetësore. Pasi e kanë marrë në kamera e kanë parë që Deda nuk ka këmbë dhe fill pas përfundimit të kontrollit Dedës iu hoq pagesa e paketës higjeno-sanitare. Kjo pasi Task Forca e ngritur për gjithë vendin ka vendosur t'ia heq këtë paketë vetëm nga vlerësimi që kanë bërë me anë të telefonit.