Infermiere nga Ballkani – Një biznes i majmë për ndërmjetësit
12/01/2020 11:23

Klinikat gjermane paguajnë deri në 15.000 euro për të sjellë një infermiere nga Ballkani Perëndimor. Një biznes i majmë për ndërmjetësit, dhe ajo që bëjnë disa, është thuajse tregti me njerëz. Ishte një punë e paguar mirë, por disi e pazakontë ajo që bënte para dy vjetësh Nevena Pejiq (emri i ndryshuar), në hotelin “Slavija” në qendër të Beogradit. Hoteli kishte më shumë njerëz se zakonisht, disa dhoma ishin shndërruar nxitimthi në klasa mësimi. Më shumë se njëqind njerëz rrinin pas perdeve të rënda dhe mësonin në mëngjes dhe pasdite gjermanisht. Nevena i mësonte ata. Njerëzve iu premtohej një vend pune në Gjermani, sapo ta zotëronin në mënyrë të mjaftueshme gjuhën. “Akomodimi në ‘Slavija” ishte i paguar, ashtu si edhe ushqimi, madje ata merrnin edhe ca para”, kujton Pejiq. Agjencia e ndërmjetësimit Artigum Management bënte reklamë duke deklaruar se i përkiste një “punëdhënësi gjerman”. Për këtë arsye shumë njerëz kishin ardhur në Serbi edhe nga vendet fqinje të Ballkanit, për shembull nga Maqedonia e Veriut apo nga Bosnja. Synimi: të arrinin brenda katër muajve nivelin gjuhësor B2, që nevojitet normalisht për të marrë një vend pune në Gjermani. Një mision pothuajse i pamundur, thotë mësuesja. “Shumë e kanë ndërprenë, sepse synimi ishte shumë i vështirë për t’u arritur”, thotë ajo. “Disa janë ankuar duke thënë se ishin mashtruar nga agjencia, se kishin lënë familjet në shtëpi dhe i kishin investuar të gjitha shpresat te kjo këtu”. Ky është vetëm një nga shembujt e panumërt nga “industria e emigracionit”: Një industri që lindi në njërën anë nga mjerimi në Ballkan dhe në anën tjetër nga nevoja e madhe gjermane për punonjës të profesioneve mjekësore. Prej vitesh agjencitë e ndërmjetësimit dhe ndërmjetësit e tyre rendin në kërkim të punonjësve nga Ballkani Perëndimor dhe favoreve nga klinikat dhe azilet gjermane, të cilat ofrojnë shpërblime të majme për ndërmjetësimin. Kërkohen dëshpërimisht infermierë Agjencia gjermane e punësimit kohët e fundit numëronte në sektorin e mjekësisë gjithsej 50.000 qytetarë nga gjashtë vende të Ballkanit Perëndimor (Serbia, Bosnje-Hercegovina, Shqipëria, Kosova, Maqedonia e Veriut, Mali i Zi). Rreth 6.500 më shumë sesa një vit më parë. Për të lehtësuar të paktën nevojën në këtë vend – sipas parashikimeve brenda pesë vitesh në Gjermani do të mungojnë rreth 200.000 infermierë dhe sanitarë. “Nuk ka më kuptim të nxjerrësh njoftime me kërkesa për këto vende pune në Gjermani. Askush nuk përgjigjet”, thotë shefi i kuadrit të një zinxhiri të madh të azileve të pleqve, që ofron hapësirë​ banimi për më shumë se 7.000 të moshuar. Ata janë tani gati t’u paguajnë ndërmjetësuesve rreth 10.000 euro për gjetjen e një infermieri. Kjo firmë e anulloi intervistën, që kishte planifikuar të bënte me DW, pak para se të zhvillohej. Ata nuk janë të vetmit, që s‘duan ta diskutojnë këtë temë në publik. Shumë ndërmjetës thonë se marrin deri në 15.000 euro për një infermiere, që e sjellin nga Ballkani në Gjermani. Kjo shumë ndahet me shkollat ​​e gjuhës dhe rekrutuesit në vend. Vlerësohet se kjo industri nxjerr disa qindra milion euro në vit dhe në shumicën e rasteve vështirë se ndjehet e lidhur me ndonjë rregull. “Për mua kjo është tregti me njerëz” Në një zyrë të vogël në periferi të Këlnit, Kay Simon buzëqesh i lodhur, kur dëgjon histori të tilla. Ai është drejtuesi i agjencisë së ndërmjetësimit IPP Health, një nga më të mëdhatë, që rekrutojnë në Ballkan. “Fillimi në Gjermani është mjaft i vështirë. Aq më i vështirë bëhet, kur një agjenci u premton diçka jorealiste njerëzve.” Premtimet e zakonshme, thotë Simon, janë ato për paga të majme – këtu pagat bruto dhe neto ngatërrohen qëllimisht. Ose përhapen përralla se punonjësi mund të marrë me vete menjëherë tërë familjen. “Pastaj vijnë në Gjermani … është ftohtë, bie shi, familja është larg, paratë nuk janë sa duhet. Atëherë njerëzit janë shumë të trishtuar”, thotë Simon. “Nuk bën t`i largosh njerëzit nga vendi i tyre me premtime të rreme për t’i çuar në Gjermani. Për mua, ky është trafik me njerëz.” Një tjetër ndërmjetës, i cili nuk dëshiron ta lexojë emrin e vet në shtyp, pranon se rekruton personelin brenda klinikave në Ballkan. Për ta bërë këtë, ai bashkëpunon me disa infermiere. “Ato më telefonojnë dhe thonë se kanë, për shembull, tri kolege që duan të shkojnë në Gjermani. Nëse funksionon, ata marrin nga unë 300 euro për person.”

Top News/ Mitsotakis rrezikon ‘karrigen’ / Votë mosbesimi në parlament për aksidentin e trenit
28/03 15:26
Top News/ Tërbohet Serbia: Anëtarësimi i Kosovës në KiE shkel sovranitetin tonë!
28/03 11:13
Top News/ Integrimi europian dhe euroatlantik/ Hovenier- Urgjencë për Kosovën dhe sigurinë e saj
28/03 09:39
Top News/ ‘Qëndrimi grek, absurd’ / Raportuesja në PE: Beleri, çështje e drejtësisë
27/03 21:21
Top News/ Debatet në KiE për Kosovën / Zbardhen diskutimet, ‘garantohen të drejtat e serbëve’
27/03 19:55
Top News/ Greqia presion në Bruksel: Beleri nuk është çështje dypalëshe, është çështje e BE’
27/03 17:19
Top News/ Burokracitë e BE bllokojnë ‘Planin e Rritjes’, 6 mld euro për Ballkanin drejt dështimit
27/03 17:09
Top News/ ‘Ditë të zeza e presin Serbinë’ / Vuçiç takon ambasadorët e QUINT-it për Kosovën
27/03 14:50
Top News/ ‘Asociacioni s’është kusht’/ Osmani-Kemi plotësuar kriteret për t’u futur në KE
27/03 14:48
Top News/ Serbët mbledhin firmat. Peticion kundër projektit të dhëndrit të Donald Trump
26/03 21:13
Top News/ Kryenegociatori i Kosovës, thirrje BE: Hiqni sa më parë masat ndëshkuese
26/03 16:59
Top News/ Rusia kërkoi debat për Kosovën / SHBA dhe Perëndimi vendosin veton në OKB
26/03 16:28
Top News/ ‘Liderët perëndimor, zuzarë’/ Vuçiç- Do të rezistoj deri në ditën e fundit
26/03 16:23
Top News/ Mali i Zi kundër Kosovës/ Votë kundër anëtarësimit në Këshillin e Europës
25/03 14:26
Top News/ Dinari, ‘kryefjalë’ në Bruksel / Takim i ri i kryenegociatorëve, kërkohet zgjidhja
25/03 12:02
Top News/ 25 vite nga bombardimet e NATO-s në Serbi / 78 ditët vendimtare në historinë e Kosovës
24/03 12:05
Top News/ Vuçiç thërret këshillin e sigurisë pas sulmit në Moskë, flet edhe për Kosovën
23/03 15:09
Top News/ KFOR trefishon patrullimet në veri: Situatë e qetë por e brishtë, jemi në gatishmëri
22/03 17:23
Top News/ SHBA paralajmëron Vuçiç: Mos guxo të çosh ushtrinë në Kosovë
22/03 16:49
Top News/ Testi i vështirë për Erdogan. Turqia në zgjedhje mes inflacionit mbi 67 për qind
22/03 15:15