Edhe pse ditë pushimi zyrtar Kuvendi i Shqipërisë shpalli garën për Komisonin e Ri Qëndror të Zgjedhjeve. Aplikantët e interesuar për postin e Kryekomisionerit, Nënkomisonit dhe 10 anëtarët e Komisionit të Ankesave dhe Sanksioneve dhe Komisionit Regullator kanë 21 ditë kohë për të depozituar dokumentat e kërkuara pranë Kuvendit, si formularin e vetëdeklarimit për integritetin e tyre moral dhe të dhënat se nuk janë pjesë e ish sigurimit të shtetit. Për tri hallkat e KQZ së re ka të drejtë të aplikojë cilido shtetas, i cili vjen nga radhët e ish-funksionarëve politikë, ish-nëpunësve të nivelit të lartë drejtues, ose ish drejtues të organizatave jofitimprurëse me veprimtari në fushën e zgjedhjeve. Ndërkohë ish anëtarët e KQZ-së të cilëve u ndërpritet mandati me ngritjen e trupës së re zgjedhore, kanë të drejtë të aplikojnë vetëm për një post në Komisonin e Ankesave dhe Sanksioneve ndryshe KAS, organ i cili ka të drejtë të shpallë zgjedhjet e pavlefshme. Por si do përzgjidhen 12 anëtarët e trupës së re zgjedhore? Brenda shtatorit Kuvendi duhet te ngreje Komisonin e posatcmëm parlamentar pjesë e së cilit për herë të parë nga djegia e mandateve do jetë edhe opozita jo parlamentare, e cila ka të drejtë të skualifikojë apo përzgjedhë kandidatët. Sipas marrëveshjes politike, Kryekomisoneri i takon mazhorances ndërsa nënkomiosneri përgjegjës për aplikimin e teknologjisë në zgjedhje do vijë nga radhët e PD-LSI-së, ndërsa 10 anëtarët e KAS dhe Komisonit Rregullator do të ndahen mes shumices parlamentare dhe asaj jo parlamentare me raportin 6 me 4. Kuvendi ka nje muaj kohë për hedhjen e shortit, ndërkohë sipas afateve te përcaktuara në kodin e ri zgjedhor, KQZ e re duhet te ngrihet brenda datës 19 tetor.